人性或人格討論

討論時最好加上" 我覺得 或"我認為". 給空間其他人思考及討論的餘地, 自己也能接納一些新的思想, 無會固步自封.

關於人性或人格, 我就咁睇,  係一個人生存及點樣去生存的問題

父母生下你來依個世界開始, 你遭受到更多幸福的事情, 人性善良的一面就發展得愈多, 因為你會認為更少機會威脅到你的生存及你想如何生存的方式, 相反, 從小開始父母及你經常擔憂日常生活及將來, 更不幸的是要實實在在對抗外來威脅或打擊, 自然會產生出更多自我保護形式的攻擊性, 從認知方面就已養成慣性機制, 對自身有利生存或對後代更有利於改善生存條件的時候, 他自然更偏向於選擇一直有效的我們所說的"惡" 來解決.
我認為每一個人都係發展出來的, 看不到有一些不幸的兒童, 腦部天生有缺憾, 你又如何從他們身上分辨到人的本性的善與惡?

我以前曾經係一間兒童社福機構做過義工, 有一位學員(患病小朋友)不停掙扎, 大哭大叫, 在中心內四處走, 看來似想避開他不喜歡的活動及中心職員, 但基於職員社工的責任, 也需要制止他及保障中心內全部人的安全(包括這位小朋友)及使用權利, 要捉著他手, 但小朋友訓在地上掙扎時, 好重一腳踢落在姑娘的肚上, 這行為也可以定性為天生是"惡" 如果你不考慮其他因素的話, 但在我眼下, 是一件好悲傷的人生, 那小朋友唔知道如何生存, 唔知道為什麼別人要這樣對代他, 他或許只知道現在這一刻自己要抵抗著自己要承受的痛苦來掙扎求存吧了.  但基於這小朋友真的出現了暴力行為, 中心已經為他作天合適的安排, 但可謂合適? 困他於更安全的單獨房間內? 要更多職員當作罪犯嚴密看管?  點都好, 真係唔好一本通書睇到老.

暴力

自己生活係一個別人建立的高貴圍牆內, 當然講得輕鬆

佢地既世界可以有好多選擇避開被暴力對代的機會, 又有更多能力令別人給與更多幫助, 佢地又知唔知?

我想佢真係從未需要用自己的身體來保護自己及家人, 

你要錢, 我大把, 唔好傷害我呀~~~ 

但係人地唔係為錢, 就只係想傷害你, 你會點保護自己?

我曾經試過兩次被人暴力對代, 第一次我還手, 警察來到當中間人, 

我同佢說不打不相識就算數了, 我想我還手真係好蠢, 佢認為佢無錯, 係我怕左佢, 大家都唔知對錯是非在那裡了.

第二次, 我真係完全無打算還手, 過程中好傷心, 只想著等佢發洩完就報警處理, 相信會得到公正及正義地解決, 只可惜警方唔知甚麼原因, 反而要我自簽守行為, 從來無解釋原因. 投訴課放屁, 話你無更多證據, 過左時限又乜對你無著數咁要你放棄.

所以如果你唔係咩權貴, 學會駛用適當暴力保護自己係必須的, 至少依個時代要, 等將來再無權貴再生活係自己的保護圈時, 再同我講完全反對暴力. 理想主義無錯, 但先認清現實!

香港人現在真正需要的是....

討論一下香港人現在真正需要的是.......

[隱藏]

看到依篇文章竟然被文匯報上，
http://paper.wenweipo.com/2019/07/16/PL1907160003.htm
內容只看到講香港只有權力和利益來維持, 引導去令讀者感到香港沒出路之餘又強化分裂香港人。
沒錯，香港人有不同訴求及希望，現時係多事之秋，但只要落實基本法中普選行政長官, 就已經可以解決好多問題，現在時機正好, 經過上一次失敗，已經知道點樣去制定遊戲規則啦，有一套大家都知道點玩的遊戲, 自然而然會團結起來去進行。有改變就有活力，有活力就有經濟效益，看看韓國, 因為敢作敢為帶領人民才有如此好成績，而唔係單單靠權威和利益關係而團結。人係有感情架, 要付出真心去相信人民, 唔得又有甚麼大不了? 我都會為國家設想既......  因為我生活係依度有感情，想幸福。